Laôt Lhôkseudu Salah Saboh Teumpat Tamasya Nyang Ceudah di Acèh Rayek

Acheh Network – Bak teumpat tamasya di Pasi Lhôkseudu na keunalön nyang that cidah nyang hasé teupeusona mata meusoë nyang kalön nyang jak saweuë teumpat nyan.

Pasi nyan neuduëk bak Gampông Layeuën (layeun), Keucamatan Leupung, Kabupatèn Acèh Besar, paih bak binèh jalan Banda Acèh - Meulabôh.

Tamasya laôt nyan ka geupeuleungkap deungön rangkang nyang geucèt meubagoë wareuna nyang meuriti meusaneut meujh'ok u laôt lagèë deumaga.

Angèn dirui jipôt meus'ab-s'ab  hingga hingga laneunteuh bak taduék,sibeuranggasoë nyang jak keunan tuwö bak geuwoë sabab teumpat nyan cit ceudah that, laôt nyang blawu suwasana nyang leupië.

Awai laôt nyan na tom keunöng ië beuna (tsunami) bak thôn 2004 nyang ka leupah. 

Jinoë, cidah teumpat nyan meutamah meunarék beugi ureuëng tamasya dalam ngön luwa da’irah untôk geujak meu'èn bak minggu abéh atawa bak uroë pré nasyonal.

Beugi ureuëng tamasya nyang jak saweuë bak laôt nyan, pasti geureumpok meupadup-padup boh teumpat nyang jeuët geupeulalè mata, seulaén nyan na cit geuseudiya sinan teumpat meuphoto ngön background miniatur meunara keumeuë pètronas.

Na cit nyang peuseudiya miniatur meunara eiffel nyang geupeugöt dari kayèë.

Meubagoë jeunèh peunajôh khaih ngön meuneujéb pih na di sinan, lagèë mi Acèh, kahwa (kupi) khaih Acèh atawa u muda pih na inan jeuët geunikmati sira geusantai ateuëh jambô.

Duëk peulaneun droë meuseunda-riya bak teumpat nyan deungön keuluwareuga atawa deungön rakan jeuët keu saboh teumpat peuniléh untôk peugadöh hèk bak uroë pré.

Beugi ureuëng tamasya nyang meuheut meujak saweuë keunan, jiôh nibak pusat Banda Acèh u teumpat nyan cuma jarakjih leubèh kureuëng keunira 30,7 kilomitè, abéh watèë bak tajak kureuëng leubèh keunira 39 minèt.

Teumpat nyan leubèh lagak meunyö tajak watèë ka seupôt uroë, sipanyang jalan u bak teumpat nyan jeuët takalön keunalön nyang peulalè mata sabab leumah laôt nyang biru.

Bak teumpat nyan pih jeuët takalön sunset ngön keunalön gunong meutamah wareuna langèt seupôt nyang beutôi-beutôi cidah.(*)