Achehnetwork - Arab Saudi geusipreuëk gamba peumandangan cidah nibak salah saboh geununong di nanggroë nyan.
Geununong nyang dilèë thô kréng, jinoë ka meunijô. Vidiyô ngön phôtô bhaih geununong di Meukah Al-Mukarramah viral bak medsos.
Geununong Meukah Al-Mukarramah nyang dilèë thô kréng, tapi jinoë ka ijô that cidah takalön bak mata. Saudi Press Agency (SPA) geusipreuëk hasé reukam vidiyô geununong nyan. Geupeugah bahawa fènomèna nyan barô phôn that teujadi dan hana tom teujadi seugohlom nyoë.
"Geununong Meukah Al-Mukarramah ka meusalôb wareuna ijô," tuléh SPA.
Peunujoë teuntang ceudah that geununong Meukah Al-Mukarramah pih na geukheun lé Royal Commission for the Makkah City and the Holy Sites (RCMC) bak Twitter.
"Tuhan ka geupeucidah Meukah ngön geununong, darat, ngön leumbah; nyang jiba weunaréh seujarah, budaya ngön tamasya nyang jeuët geutanyoë peuleumah bak dônya.
Jinoë geununong Meukah Al-Mukarramah ka meutamah lagak. Photo-photo makén viral, mèdiya-mèdiya aséng pih ikôt jak ba haba nyan teuntang meuka ka ijô.
tapi ramè cit nyang kayét hay nyan deungön akhé dônya atawa kiyamat nyang ka meusurat lam Qureu’an
Lam saboh hadih Rasulullah SAW, geupeujeulah bahawa kiyamat cit hán teujadi meunyö tanoh Arab gohlom ijô lom keulayi.
“Hán akan teuka uroë Kiyamat hingga tanoh Arab ijô lom keulayi punoh deungön bak-bak kayèë ngön kruëng.” ( HR Muslim )
