Basa Aceh
Meulalè Lam Sinja Di Panté Ulèë Lheuë
 |
| Meulalè lam sinja di panté Ulèë Lheuë(Foto Isna) |
Acheh Network – Panté nakeuh nyang sabé-sabé jeuët keu tuju tamasya favorit nyang kayém that ureuëng jak keunan.
Meunyö takalön u arah Gampông Ulèë Lheuë, Keucamatan Meuraxa, Banda Acèh, na saboh panté nyan jeuët keu idola ureuëng di sinan.
Watèë ka seupôt uroë, sipanyang jalan nyan nyang arah jih u pasi sabé ramè ureuëng.
Puë lom meunyö tapeugah bak tutuë nyang arahjih u Gampông Jawa, sang-sang lagèë ureuëng meudilèë-dilèë teuka bak jak keunan seugohlom mata-uroë lop.
Tapeurasab sinja uroë nibak teumpat nyan dang-dang taprèh mugréb teuka cit bida that laju nibak teumpat wisata laén.
Tapi nyang jatah droëjih kawasan nyan na peusona droejih hingga sabé ramè ureuëng neuteuka keunan.
Keunira na 30 minèt nibak pusat Banda Acèh, kawasan nyan nyang stratègis sabab neuduëk bak binèh laôt nyang meukeuë langsông ngön Samudra Hindiya.
Di binèh laôt nyan na batèë-batèë peutheun umbak nyang galak that lé ureuëng nyang galak keumawé atawa ureuëng nyang keumudak droë deungön background Pulo Wèh Sabang ngön Pulo Acèh.
Meunyö neujak keunan bèk yö neuh keu deuëk atawa keu grah, sabab sipanyang jalan bak binèh jalan nyan nyang arah u peulabôhan sampé u Gampông Jawa inan le ureuëng meukat peunajôh ngön meubagoë macam ië,trôh bak kupi pih na ureuëng meukat hingga ureuëng nyang jak keunan sampé lalè ngön laneun geuh bak geuduëk.(*)
Tag
Basa Aceh
